Oktäbrinin 23–24, 2024 yılında, Komrat Devlet Universitetindä, Moldova Respublikası Çevrä Gazetacıları Dernää (AJMTEM) tarafından, Kişinev İsveç Büükelçilii hem Moldova UNDP yardımınnan düzennenän Eco Media Academy programı kapsamında halka açık lekțiyalar yapıldı.
Programa, Komrat Devlet Universitetinnän birliktä Moldovanın altı universitetinin üürenicileri için düzennendi. Kursun amacı, yaklaşık 100 üüreniciye su kaynaklarının korunmasının temellerini üüretmäk hem çevrä sorunlarını analiz edebilmeleri için lääzımnı becerileri kazandırmak. Lekțiyalarda klimat diişiklii, kirlilik hem atık yönetiminin su kaynaklarına etkisine önem verildi. Çevrä gazetacılıı temasında yapılan lekțiyalar, gençlerä, gelecään gazetacılarına, diil saadece şindiki çevrä zorluklarını, ama çevrenin hem su kaynaklarının korunmasında rollerinin önemini görmeleri için düzennendi.
Lekțiyalar, çevrä alanında altı uzman tarafından verildi hem bu temalardaydı:
- Üüretim programasına giriş. Çevrä gazetacılıı nedir? Çevresel bilgi kaynakları. Ulusal düzeydeki günümüz çevrä sorunları.
Cătălina Molodoi, AJMTEM Müdürü - Moldova Respublikasında atık yönetimi: sorunlar, zorluklar, çözümlär. Gazetacılık materyalları örnekleri.
Aurelia Bahnaru, E-Circular - Klimat diişikliinin etkileri.
Ecaterina Melnicenco, UNDP Moldova - Sosyal medyada çevrä gazetacılıı. Ecopresa'nın deneyimi.
Eliza Orlova, Sosyal Medya Yöneticisi, Ecopresa - Moldova Respublikasındakı su kaynaklarının korunması. Tunanın su kaynaklarının yönetimi. Derelerin durumu, sorunlar, çözümlär. Gazetacılık materyalları örnekleri.
Elena Culighin, Ulusal Çevrä Merkezi, Kimya İnstitutu araştırmacısı - Biyoçeşitlilik nedir hem yaşamayı nasıl destekleer, ekosistema izmetleri hem biyoçeşitliliin notalandırılması. Daa ekosistemaları hem korunan habitatlar. Daa genişletmä hem geri dönüşleri için ulusal programa, yeniden aaçlandırma stimulu. Gazetacılık materyalları örnekleri.
Aurel Lozan, biyoçeşitlilik uzmanı
Moldovada Respublikada çevrä gazetacılıı, atık yönetimi, klimat diişiklii, su kaynaklarının korunması hem biyolojik çeşitlilik gibi günümüz çevrä sorunlarının urgulanmasında kilit bir rol oynêêr. Toplumun bilgilendirilmesinä, vatandaşların çevresel zorlukların çözümünä katılmalarına katkı saalêêr. Sosyal medyanın kullanımı hem gazetacılık materyallarının tiparlanması, okuyan hem siiredän sayısını genişleder da yardım eder çevrenin durumunu üürenmää hem kenarda kalmayıp zorlukları çözmää savaşmaa.
