Fevralın 25, 2025 Mariya Vasilyevna Maruneviç adına Bilim Aarştırma Merkezindä Komrat Devlet Universitetinin üüretmeni, doktor, türkolog Güllü Karanfilin gagauzça-rusça, rusça- gagauzça mediţina terminneri sözlüünün tanıtımı yapıldı. Bu mediţina alanında ilk sözlüümüz sayılêr. Sözlük terminnerin maanasını açıklêêr hem onun gagauzça karşılıını verer. Sözlää girdi 12 binä yakın termin hem annayış. Bu unikal sözlük mediţina, saalık izmeti alanında işleyän doktorlar için yapılmıştır. Bundan kaarä bu terminnär gagauz sölüümüzü zenginneder hem dilin taa derin şekildä kullanmaa yardım eder.