2019 yılda Kasım ayın 25-dä Komrat Devlet Unıversitetındä Millet Kultura fakultetındä geçti tombarlak masa «Moldovada uşakların hakları», angısı baalı 30-cu yıldönümünä OON Konvenţiyanın uşak haklarına.
Tombarlak masa hazırlandı «Promovarea şi dezvoltarea educaţiei interculturale (EIC) în formarea iniţială a cadrelor didactice» proektin yardımınnan. Bu olayın neeti – genç pedagogların hak kulturasında bilgilerini genişletmää. Tombarlak masada Moldovada uşakların hakları açıklandı. Studentlär kaldıran problemaylan meraklandılar. Kazanılmış bilgileri haklı terbietmäk uurunda genç pedagoglar professional çalışmasında kullanaceklar.
Tombarlak masada aktiv pay aldılar 1 – ci kurstan pedagogika zanaatlarında üürenän studentlär.
Bu meraklı olayı hazırladılar proekt azaları: Vlah M.K. magistr, lektor univ., Kör L.S. doktor, konferenţiar univ., Yanioglo M.A. doktor, konferenţiar univ.,Levintiy G.G. magistr, lektor univ., Uzun D.F. magistr, lektor univ.
Tombarlak masanın sonunda plakat konkursun «Uşakların hakları gençlerin bakışınnan” çıkışları yapıldı.
Konkursta pay alannara sertifikat verildi.
