Gagauz filologiyası hem istoriya kafedrası bildirer, ani çarşambaya, oktäbrinin 29unda 2025 y. saat 9.00 «Gagauz dili hem kulturası» disţiplinasında XI-inci Olimpiada geçecek Komrat Devlet Universitetindä.
Olimpiada adalı anılmış türkologun Pokrovskaya Lüdmila Aleksandrovnanın 100-üncü yıl dönümünä (1925-2009).
Olimpiadaya var kolay katılsınnar Gagauziyanın liţeylerindän üürenicilär – 1012-nci klaslar (2 kişi liţeydän). Katılmak için lääzım registraţiya yapmaa Komrat Devlet Universitetinin Moodle platformasında bu elektron adrestä: https://elearning.kdu.md/moodle/course/view.php?id=1290
(anatar laflar: Olimpiada25Покровская).
Ki Olimpiada günü katılannar giräbilsinnär Moodle platformasına da tamannayabilsinnär verili testleri, onnarın mutlak lääzım olsun kendi tehnika kolaylıkları (notbuk hem lääzımnı aksesuarlar).
Olimpiada-25 programası
-
23.10.-27.10.2025 (saat 9-a kadar avşamnän) – Moodle platformasında katılannarın yazılması (registraţiyası).
-
Aniki sınaşmaa platformada işlemää, Olimpiada-2025 temasında katılannar lääzım Denemäk testini tamannasınnar da, bitirdiynän, hazır işi yollasınnar.
-
Saat 9.00 – 9.30 çarşamba günü 29.10.2025 – Komrat Devlet Universitetindä Olimpiadacılarlan buluşmak-tanışmak, registraţiya.
-
Saat 9.30 – 9.50 – Lüdmila Pokrovskaya saygı, memorial nışanına çiçek koyulması.
-
Saat 10.00 – 12.00 Katılannara konkurs işlerin çeşitlerini bildirmäk hem sınışları yazmak:
- Moodle platformasında testleri tamannamak;
- Gagauz dilindä L. Pokrovskayanın bilim kiyatlarını tanıtmak (şıfralanmış kaynakları olimpiadacılara Random seçer).
-
Saat 12.00 – 13.00 Sonuçları hem çıkışları bildirmäk. Sertifikatlamak. Fotosesiya.
-
Çay-kofe, serbest konuşmak, sözleşmäk.
