“Tehnologii pedagogice inovaționale” disiplinası çerçevesindä, açik dersler grafikinä görä, MOM-25 magistratura grubası studentlarıylan (spetsialiteti “Eğitim menedjmenti”) bir açik lektsiya geçirilmiş.
İnteraktiv lektsiyanın teması — “Karışık ögrenme (blended learning) eğitim teknolojiyası” oldu. Bu derstin maksadı magistrantları tanıştırmak oldu çağdaş modellerlan, angıları birleştirer tradicional hem digital ögrenme formalarını, hem da gelecek eğitim menedjerlerinä inovatsion pedagogika teknolojiyalarını praktikada kullanmak becerilerini kurmak.
Ders “Stantsiyalar rotatsiyası” modelinä görä organize edildi — bu model karışık ögrenme teknolojiyasının bir formasıdır. Başlangıçta magistrantlar üç grupaya bölündülär, her biri ayrı bir ögrenme stantsiyasında çalıştı: öğreticiyle çalışma stantsiyası, online ögrenme stantsiyası hem proekt faaliyeti stantsiyası. Dersin ilerlemesindä gruplar sırayla stantsiyadan stantsiyaya geçti, bu da her bir katılımcıya her zonada bulunmak hem farklı ögrenme formatlarını denemek imkânı verdi.
Lektsiya sırasında birkaç pedagogika teknolojiyası hem metodika yaklaşımı birleştirildi: informatsiya teknolojiyaları, proekt esaslı ögrenme, problem yaklaşımı, hem da kritik düşünmeyi geliştirme teknolojiyasının elementleri. Eğitim prosesindä modern digital instrumentlar kullanıldı: Joyteka (interaktiv eğitim videosu), LearningApps (interaktiv görevler), Prezi (dinamik prezentatsiya), Plickers (hızlı test yapma aracı).
Bundan başka, studentların bilişsel aktivliğini arttırmak için çeşitli metodika yöntemleri kullanıldı: kейс metodu, T-grafik, hem da ZHU metodu (Bilirim – Bilmek isterim – Bildim).
“Stantsiyalar rotatsiyası” modelinin kullanılması interaktiv bir eğitim ortamı yaratmağa yardım etti. Bu ortamda magistrantlar yalnız teoriyayı öğrenmedilär, ama karışık ögrenme teknolojiyasını praktikada da deneyimledilär. Ders katılımcıları onun praktiklikini, effektivliğini hem da yüksek katılım seviyesini belirttilär.
Böyläliklä, inovatsion pedagogika teknolojiyalarının hem digital araçların kullanılması lektsiyanın içeriğini aktiv şekilde öğrenmeyä hem da gelecek eğitim menedjerlerinin professional kompetentsiyalarını geliştirmeyä katkı verdi.
Publikatsiya: Kurteva O.V., doktor, konferentsiar.
