Yanvarın 25-dä Milli Kultura Fakultetinin Kultura hem İncäzanaat kafedrası Tombarlak masa düzennedi. Her yıl Tatyana günündä tematik diskusiyalar yaparak kafedranın yıldönümü kutlanêr. Bu yıl tombarlak masası Dionis Tanasoglunun yıldönümünnän baalı.
Selämlemäk sözünnän oturumu Milli Fakultetin 100-cü dekanı bilim doktoru P. Paşalı hem D. Tanasoglunun eşi Lübov Tanasoglu açtı.
Kultura hem İncäzanaat kafedrası başı Tatyana Şögoleva, kafedranın üüretmenneri Tatyana Mutkoglo, Dr. Alla Papţova, Tanasoglo adına teratrunun başı Мihail Konstantinov, yuridik fakultetinin üüretmeni Dr. Nikolay Terzi.
Dokladlar hem konuşmalar Dionis Tanasoglonun yaşaması, yaptıkları için, KDU rektoru olduu dönem için, yazdıı romanı hem çalıştıı başka alannar için yapıldı.
Özelliklän D.Tanasoglunun unudulmaması, populärlaştırılması teması lafedildi.
Tombarlak masaya KDU-nun liţenţiat hem magistratura studentleri, M.Çakır adına Kolec studentleri hem bu üürenmak kurumnarını bitirän kişilar, kultura çalışannarı hem başka aydınnar toplandı.
Oturumun sonunda rezolüţiya kabledildi:
- «Aktör ustalıı hem rejisura» zanaatını cannandırmak için D Tanasoglo adına Milli dramatik teatroylan kafedra arasında işbirlii.
- Tanasoglonun muzaka mirasının kultura hem İncäzanaat kafedrası tarafından tiparlanması.
- Her yıl Yanvar 25-dä tombarlak masa adetini ilerledilmesi.
Tombarlak masa ‘Düz Ava’ ansamblisinin konsertinnän bitti.
Hazırladı Dr. Güllü Karanfil
