Sentäbrinin 30-da 2024-üncü yılda Milli kultura fakultetinin üüretmenneri hem Bilim bibliotekasının zaametçileri Regional resim galereyasında ‘Gagauzologiya XIX -XX asirlerindä’ Födor Angelinin bilim hem folklor uurunda işlerinnän baalı kiyadın prezentaţiyasında katıldılar. Gagauziya Bilim-aaraştırma merkezi M.V.Maruneviç adına bu kiyadını tipardan çıkardı hem prezentaţiyasını hazırladılar.
Kiyadın hazırlayannarı Gagauz filologiyası hem istoriya kafedrasından doktor Vitaliy Sırf hem gagauz peetçisi Petri Çebotar kısadan açıkladılar, nasıl onnar çalıştılar kiyadına materialları toplayarak. Vitaliy Sırf F.Angeli çalışmalarının bibliografiyasını hazırladı.
KDU Bilim bibliotekasının fondu zenginnendi taa bir kiyatlan, angısını Gagauziya Bilim-aaraştırma merkezi M.Maruneviç adına tipardan çıkarêr.
Şükür ederiz davet için prezentaţiyanın hazırlayannara.
