Oktäbrinin 25, 2024 yılında "Moldova Respublikasının Turizm Kaynakları" dersi okutmannarı (Prof., Dr. habil. Alla Levitskaya hem üüretmen yardımcısı Natalia Donceva) "Otelcilik, Turizm hem Dinnenmäk" bölümü üürenicileri için Gagauziya Kultura Genel Bakannıında bir bilgi günü düzennedilär. Kultura Genel Bakanı Marina Semionova, musafirleri bakannıın çalışma özellikleri hem festival organizațiyalarınnan tanıştırdı, üürenicileri "Şarap Yortusu" festivalindä volontör olmaya teklif etti.
Bu gün, Gagauziya Resim Galereyasında şannı Gagauz resimcisi, Moldova Respublikası Resimcilär Birlii azası Andrei İvarlak’ın "Grafika hem Resim" adlı sanat eserleri katalogunun sunumu geçti. Onun çalışmaları hem Pötr Vlah’ın grafikaları avtonomiyanın turizm markası için kullanılan süslemelerin örneklerini hem bölgenin kultura kaynaklarının çeşitliliini göstermää deyni derslerdä kullanılêrlar.
Milli desenlerin görselleri, çeşitli halkların kultura mirasının parlak bir yansımasını oluşturêr. Her devlettä, kuşaktan kuşaa aktarılan hem milli kimliin bir simvolu olan benzersiz desenlär bulunabilir. Bir bölgenin markalaştırılması için görsel kimliin uygulanması, bölgenin tanınırlıının artmasına hem turistlerin gelmesinä katkıda bulunur.
Bu bilgi günü, üürenicilerä kuşaklar arası baayı, kultura mirasın korunmasının önemini duymak kolaylıı verdi hem grafika yardımınnan modern görselleştirmä nasıl olêr gösterdi.
