Konferenţiyanın davası: Genel üüretimin hem üüksek üüretimin sistemindä üüretim kalitesinin artırılmasının temel hem uygulamalı önnerinin tartışılması.
Konferenţiyanın baş ideyası - genel üüretim sistemin hem üüksek üüretimin arasında sürekliliğin sağlanması ilgili üüretmennär arasında taa yakın işbirlii.
Halklararası bilim-praktika konferenţiyası türlü devlerdän bilim insannarı, üüredicileri, ekspertleri topladı. Konferenţiyada türlü soruşlar önmemni temalara tartışılması oldu.
Konferenţiyada katıldı üüretim sistemasından azaları 11 devletlerdän: Moldova, Rumıniya, Türkiya, Uzbekistan, Kazahstan, Ukraina, Rusiya, Balarusiya, Bolgariya, Azerbaycan, Kıtgızstan. konferenţiyaya dokladları 140 üüretmen gönderdi.
Konferenţiyayı açtı milli kultura fakultetin dekanı, doktor, konferenţiat Kurteva O.V. Prezentaţiyasında katılımcı devlet sayısının hem buna baalı konferenţiya azalarının sayısını gösterildi.
Halklararası konferenţiyanın katılımcılarına danıştı Komrat Devlet Universitetinin rektoru, doktor, konferenţiar S.K. Zahariya O urguladı, ani üüretimin kalitesini taa üüsek uura kaldırmaa çok önemni. O konferenţiyanın pay alannarına ii çalışmaları diledi.
Taa sora konferenţiya katılımcılarını selämnedilär Üüretim müdürlüün bilim politikası hem menecment uzmanı N. F.Gaydarcı, M.Çakır Komrat Kolecinin direktoru M.D. Tanasoviç.
Plenar oturuşta iki doklad seslenildi. Elizaveta Kvilinkiva, istoriya doktoru, Milli bilimnär Akademiyası. Belarus Respublikası. «ПРОГРАММА-ВОПРОСНИК ПО «НАРОДНОМУ КАЛЕНДАРЮ» В КОНТЕКСТЕ ИЗУЧЕНИЯ И ОСВОЕНИЯ КУЛЬТУРНОГО НАСЛЕДИЯ».
Anjela Polevaya-Sekeryanu, pedagogika bilimneri, Dzüdo uzmanı, Komrat Devlet Universiteti. «ВОСТОЧНЫЕ ЕДИНОБОРСТВА КАК СИСТЕМА ПСИХОСОЦИАЛЬНОЙ АДАПТАЦИИ ЛИЦ С ОСОБЫМИ ПОТРЕБНОСТЯМИ».
Taa sora kofe arasından sora, konferenţiya 6 sekţiyada kendi işini ilerletti.
Konferenţiya üüretim sistemalarının önemni taraflarını, yeni tehnologiya metodlarını hem başka aktual problemaları aydınnattı.
Konferenţiya çerçevesindä Komrat Devlet Universiteti hem Özbekistan devlet fizkultura universiteti işbirlii annaşması imzalandılar. Konfedenţiyanın şannı musaafiri rektor yardımcısı, pedagogika bilimneri doktoru Şükürcon Gaziyev hem profesor, Özbekistan devlet fizkultura universitetinin rektor nasaatcısı Georgiy Karabeynikov Komrat Devlet Universitetina başarılar diledilär.
«BİLİM HEM ÜÜRETİM ALANI: ÜÜRETİM KALİTESİNİN ARTIRILMASINA YÖNELİK GERÇEKLÄR HEM PERSPEKTİVALAR/BEKLENTİLÄR» IV Halklararası bilim-praktika konferenţiyasının materialları yayınnanacek.
Oksana Kurteva, Milli Kultura fakultetinin dekanı
