Kasım ayın irmi beşindä 2019 yılda istorik grupası IG-18 musafirlik ettilär bȕȕk neetlän tanışmaa moneta kolekţiya sergisinnän, angısını topladı tamojnä ofiţeri Pőtr Kostin.
Geçirildi dışar lekţiyası istoriyanın bir yardımcı disţiplinasında-numizmatika. Bu lekţiyayı geçirdi istorik, Avdarma muzeyin kurucusu İgnat Mihailoviç Kazmalı. Lekţiya derindän tanıdıkçıydı hem meraklıydı. Onun içindeliindä studentlär-tarihçilär annadılar nezaman peydalandı ilk monetalar, nicä onnarın gőrgȕsȕydȕ, kim ilk başladı onnarı kolvermää, ne iş için onnardı, hem onnarın paalılık uuru.
Bu serginin kapanışında pay aldılar studentlär. Bu kollekţiyaya, angısını topladı P.Kostin girer monetalar, neredä gősteriler anılmış insannar, tȕrlȕ artistlär, monastırlär, kliselär, ȕbiley monetalar, angıları baalı Moldovanın baamsızlıınnan. Herbir moneta koruntulu erleşik ayırı futlär içindä, angısında verili halizlik sertifikatı, neredä gősterili monetanın harakteristikası hem prezidentin Milli Banktan imzası. Bundan kaarä herbir ȕbiley hem anmak monetası kolveriler ayırı sayıda: 100-200 ekzemplär.
Ekspoziţiya en anılmış Moldova topluyucusunun P.Kostinin seftä gősteriler Kişinőv kasabasının dışında, kȕȕ erindä. Onun kollekţiyaları, kurulu binnän eksponattan, pay aldılar 300dän zeedä ekspoziţiyalarda Moldovada hem sınır dışarında. P.Kostin taa toplȇȇr nal kolekţiyasını, yaşayış predmetlerini, eski ikonaları, asker rubalarını hem başka.
P.Kostinin kolekţiyasının paası, nereyi girer anmak hem übiley monetaları, kolverildi Milli Banklan devletin baamsızlıı vakıdında, sölenmer.Bu serginin eksponat arasında en paalı - altın moneta, kolverilmiş 2009 yılda, Moldovanın 650ci yıldönümünnän baalı hem taa iki moneta, bıldır kolverildi, hep altın, baalı büük yortuylan «100 yıl Besarabiyanın Rumıniyaylan birleşmesinä»(nominal paası 100 ley, Milli Bankın saytıynda paası 747 ley). Milli Banklan kolverili anmak monetaları toplu bölüklerä: «Moldovanın monastırları», «Kırmızı kiyat», «Yortular, kultura, adetlär», «Anılmış insannar» hem başka. Bunnardan karää monetalar baalı sport-saalık bölümünnän, Moldovanın gösterilicek erlerinnän.
İstorik grupası İG-18 şükür eder Avdarma tarih muzeyin kurucusunu Kazmalı İgnat Mihaylovici numizmatika geçirilmiş lekţiya için hem Komrat Devlet Universitetin administraţiyasını, rektorunu Zahariya Sergey Konstantinovici bu kurulmuş gezi için Avdarma tarih muzeyinä.
Video kolverimi, angısı baalı tarih studentlerin pay almasınnan serginin kapanışında var nicä siir etmää Avdarma saytında: avdarma1563.md.
Çevirdi-Kapsomun Mariya A., Avdarma liţeyin üüredicisi.
