Komrat Devlet Universitetindä İyul ayın 18-dä 2025-inci yılda bi meraklı olay geçti -millet kultura fakultetinin liţenţiat hem magistratura mezunnarına  diplom verildi.  

Bu yıl 135 genç üüredici Moldova Respublikasının hem Gagauziyanın üüretim kurumnarına çalışmaa gidecek.

Mezunnara sıcak laflarlan danıştılar:

- universitetin rektoru - doktor, konferenţiar Sergey Zahariya;

- millet kultura fakultetinin dekanı - doktor, konferenţiar Oksana Kurteva;

- Gavril Gaydarcı adına Komrat teoretik liţeyindän direktorun yardımcısı Oksana Sarı;

- millet kultura fakultetinin kafedra öndercileri;

- fakultetün üüretmenneri.

Profesional bilgi, kultura, tradiţiya taşıyannarı olan, üüretim hem kultura sferasında üüredici, önderdici hem uzman olan misyonunu götürän mezunlarımızlan hodullanêrız.

Kabledilän bilgileri hem görgü sizin profesional yolunuzda ko faydalı olacek.

İlin yol sizä, paalı mezunnarı! İi başarıları sizä dileriz!