Корпоративная почта КГУИнновационный Инкубатор  Moodle KDU Центр непрерывного образования    
GAG
Cuma, 02 Eylül 2022 08:53

Komrat Devlet Universitetindä bilgi hem dirlik günü geçti

Sentabrinin 1-ndä Komrat Devlet Universitetindä dä, başka üüretim kurumnarında olduu gibi ilk çan sesi öttü. Burada da güzün ilk günü kalaba hem meraklı geçti. Bilgi hem dirlik gününü Universitetin rektoru Sergey ZAHARİYA açtı. Universitetimizä eni gelän 450 student üürenici sıralarımızı doldurdular.

Rektor birinci kurs studentlerinä danışarak, dedi: ‘Büün sizin için gözäl bir gün! Siz Komrat Devlet Universitetinin studentleri arasına girersiniz. Bu sizin genç yaşamanızın taa bir başlangıcı. Siz Moldova Devletimizin en islää Universitetlerindän birindä KDU üüreneceyniz.

KDU çok milletli bir aylädir. Bizdä Türkiyädän, Azerbaycandan, Ukrainadan, Rusyadan hem başka devletlerdän gençlär üürener. Halklararası çalışmalarımızda biz üüsek uur göstereriz. Bizim üürenicilär büün işlerlär üüsek görevlerdä hem Moldovada, hem dä başka devletlerdä. Bunnar hepsi bizim universitetimizin, bizim üüretmennerimizin uurunu gösterer.  

Bu kutlamaya Türkiyä Konsulu Hasan AKDOAN, GHT deputatı İlya UZUN katıldılar. Onlar kutladılar gençleri. Gözäl nasaatlar verdilär Universitetin üüretmenneri S. SULAK, K. TAVŞANCI, S. VARBAN, Mahamat YAMTİNİN, L. TODORİÇ, S. KARA, İ. ARSENİ. Bu gözäl kutlamaklara büük kurslarda üürenän studentlär da katıldı. Onnar kutladı eni gelenneri 5 dildä: ingilizca, almanca, romunca, türkçä hem rusça.

Taa sora rektorlan buluşmak büük zalda ilerledi. Gençlär rektora onnarı meraklandıran soruşları verdilär.

КГУ в цифрах

Обновлено 16.10.2025
0
Всего студентов
0
Международные студенты
0
Программы
0
Проекты
0
Академический персонал
0
Административный персонал

Created jtemplate.ru joomla modules